EMEM MINSEM

Mamem a mis më Zamba ngul mësë

Ai a mis maan fë, ababëdzan , na mengasem n’nëmëna,

ai ntsogan, aï nkòban ai mbòan , ai ndzogan

anë evus dzam, evus dzam, eyegan mod mbe evus wam.

Asu te makogëlan aï mvomvòm Maria Alenëna-Ntud-Ngònò,

ai Beengles, ai Mimfufub misë, ai mina bëben a fë,

a babëdzañ,

na mikogëlan ai ma Nti Zamba wan.

KYRIE

V/ - A N’ti, kudu bia ngòl

R/ - A N’ti, kudu bia ngòl

V/ - A Kristus, kudu bia ngòl

R/ - A Kristus, kudu bia ngòl

V/ - A N’ti, kudu bia ngòl

R/ - A N’ti, kudu bia ngòl

GLORIA

Duma abòò ai Zamba a yob,

Mvoè ebòò ai bod a si-ndon, mbol afuu bod nnem.

bialugu wa,

biataman wa,

biangëm¨wa,

biawumu wa,

biavë wa ngañ asu mod duma woe,

a Nti Zamba, a Nkukuma ya yob,

a  Zamba Esia ngul mësë,

a Yesus Kristus, a Nti Mban Mòn,

a Nti Zamba, a Man Ntomba Zamba, a Mòn esia,

wa ya wavaè minsem mi si, kudu bia ngòl

wa ya wavaè minsem mi si,nònò ngogëlan dzaan ;

wa ya otoa a mbò-nnomo Esia, Kudu bia ngòl.

Amu wa onë Mfufub etam, wa onë Nti etam,

Wa etam onë Mëdana-Yobo, a Yesus Kristus,

abaman ai Mfufub Nsisim, a duma Zamba Esia

Amen.

EMEM N’YEBE

Ma yèbë  Zamba m’bòk m’bòk,

Esya ngul mësë, N’kom yob ai si,

ai byem bisë, tò e bi bia yène, tò e bi binë të yène.

Ma yèbë fë N’ti  m’bòk m’bòk , Yesus Kristus,

M’bañ Mòn Zamba,

A nga byali abë Esia osusua biseb bisë.

Zamba y’a bë Zamba , m’fyè ya m’fyè,

Bëbëla Zamba  ya bëbëla Zamba,

A nga byali, a ndzë kik komban, a toa toa

m’byalan dzia dzia ai Esya:

Dzom  esë e nga komban ai nye.

A nga sò a yob asu bia bod ai asu akode daan.

(Ba lui n’lo eyòñ ba kòbò bibuk bi tsaa bi, a këlë kui: n’dò a nga bò mod.)

A nga nòñ nyòl a abum   N’tud-Ngòn

Mininga  Maria ai ngul M’fufub N’sisim

N’dò a nga bo mod

A nga bomban fë a klos asu daan abog Pontius Pilatus;

A nga dzugi ai mintye, a dzëëban

Akui fë a sòn amos lala, mbol a nga tilëban,

A nga kë a yob, ndò atoa a m’bo-n’nomo Esya.

A nga dugan sò ai duma,

Naa azu tsig ntol asu benyiñ ai bewu,

N’dò fë edzoe dzie e nga bò tëgë ai suk.

Ma yèbë  fë M’fufub N’sisim,

y’anë Nti, y’avë enyiñ

Y’a tie abë Esya ai abë Mòn,

Y’abëlë ongëmë ai duma, fufulu ai Esya ai Mòn

a nga bë kòbògò a anyu bëprofet.

Ma yèbë  fë Nda-Zamba katolika ya e në dzia dzia, e toa m’fufub, e toa asu si-ndon ësë, e tiege fë Apostel.

Ma mëm n’duan  m’bòk m’bòk asu evaa minsëm.

N’dò fë ma yanga aku lë sòñ bëwu, ai e enyiñ ya ya zu